‘आकलनाच्या कक्षा रुंदावण्यासाठी’ या ध्येयवाक्याला केंद्रस्थानी ठेवून सृजन प्रकाशन साहित्य, विचार आणि ज्ञान व्यवहार यांच्यात अर्थपूर्ण संवाद घडविण्याचा प्रयत्न करत आहे. आमच्यासाठी प्रकाशन हा केवळ व्यवसाय नसून सामाजिक आणि सांस्कृतिक जबाबदारीचा भाग आहे.

दर्जेदार पुस्तके, वैचारिक त्रैमासिक आणि चिकित्सक लेखनाद्वारे वाचन, चिंतन आणि सांस्कृतिक भान समृद्ध करणे, हे आमच्या कार्याचे केंद्र आहे. साहित्य हे केवळ मनोरंजनाचे साधन नसून समाजाला समजून घेण्याची दृष्टी देणारे माध्यम आहे, असा आमचा विश्वास आहे. म्हणूनच आम्ही संदर्भमूल्य, अभ्यासपूर्णता आणि वैचारिक प्रामाणिकता जपणाऱ्या साहित्याला प्राधान्य देतो.

कथा, कादंबरी, कविता, समीक्षा, आत्मकथन, चरित्र, संशोधन, अनुवाद आणि समकालीन प्रश्नांवरील लेखन अशा विविध साहित्यप्रकारांद्वारे आम्ही लेखक, वाचक आणि संशोधक यांना जोडणारा एक स्वतंत्र साहित्यिक व वैचारिक मंच उभारण्याचा प्रयत्न करीत आहोत.

‘सृजन’ त्रैमासिक हा या प्रयत्नाचा महत्त्वाचा भाग आहे. प्रत्येक अंकामधून समकालीन प्रश्नांकडे विविध दृष्टिकोनांतून पाहण्याची, संवादाची आणि नव्या आकलनाची संधी निर्माण करण्याचा आमचा प्रयत्न असतो.

आमचा विश्वास आहे की समाजात विचारांची देवाणघेवाण, चिकित्सक दृष्टी आणि वाचनसंस्कृती अधिक समृद्ध झाली तर सांस्कृतिक जीवन अधिक सक्षम होईल. त्यामुळे लोकशाही आपल्या जगण्याचा अविभाज्य भाग बनेल. त्या विश्वासातूनच सृजनचा प्रत्येक उपक्रम आकार घेत आहे.